კონფიდენციალურობის პოლიტიკა

წინამდებარე კონფიდენციალურობის პოლიტიკა განსაზღვრავს, თუ როგორ ამუშავებს, ინახავს და იცავს როსტიაშვილი & ცხვედიანის საადვოკატო ბიურო (შემდგომში — „ბიურო“) კლიენტების და საიტის სტუმრების პერსონალურ მონაცემებს, „პერსონალურ მონაცემთა დაცვის შესახებ“ საქართველოს კანონისა და სხვა მოქმედი ნორმატიული აქტების შესაბამისად. საიტით სარგებლობით ან ჩვენთვის ინფორმაციის მიწოდებით თქვენ ეთანხმებით ამ პოლიტიკას.

1. მონაცემთა დამმუშავებელი

მონაცემთა დამმუშავებელია როსტიაშვილი & ცხვედიანის საადვოკატო ბიურო, მისამართი: თბილისი, ქეთევან წამებულის გამზ. 47/49. ელ. ფოსტა: info@rtslaw.ge, ტელეფონი: +995 555 35 50 55.

2. რა მონაცემებს ვამუშავებთ

• საკონტაქტო ინფორმაცია: სახელი, გვარი, ტელეფონის ნომერი, ელ. ფოსტის მისამართი
• საქმესთან დაკავშირებული ინფორმაცია და დოკუმენტები, რომლებსაც კლიენტი გვაწვდის კონსულტაციის ან წარმომადგენლობის მიზნით
• საიტთან ურთიერთობის ტექნიკური მონაცემები (მაგ. საკონსულტაციო ფორმის შევსებისას მითითებული ინფორმაცია)

ჩვენ არ ვაგროვებთ განსაკუთრებული კატეგორიის მონაცემებს იმაზე მეტად, ვიდრე ეს აუცილებელია კონკრეტული საქმის სამართლებრივი მომსახურებისთვის.

3. დამუშავების მიზანი

მონაცემებს ვამუშავებთ იურიდიული კონსულტაციის გაწევის, კლიენტის წარმომადგენლობის, კომუნიკაციისა და კანონმდებლობით ნაკისრი ვალდებულებების შესრულების მიზნით. საიტზე უბრალო ვიზიტისას, ფორმის შევსების გარეშე, პერსონალურ მონაცემთა შეგროვება არ ხდება.

4. მონაცემთა მესამე პირებზე გადაცემა

თქვენი მონაცემები არ გადაეცემა მესამე პირებს, გარდა კანონმდებლობით პირდაპირ გათვალისწინებული შემთხვევებისა (მაგ. სასამართლო ან საგამოძიებო ორგანოს კანონიერი მოთხოვნა) ან თქვენი წინასწარი თანხმობის შემთხვევაში.

5. მონაცემთა შენახვის ვადა

მონაცემები ინახება საქმის წარმოებისთვის საჭირო პერიოდის განმავლობაში და შემდგომ იმ ვადით, რომელსაც მოითხოვს კანონმდებლობა (მათ შორის, ადვოკატის საქმიანობასთან დაკავშირებული საარქივო მოთხოვნები). ვადის გასვლის შემდეგ მონაცემები უსაფრთხოდ განადგურდება.

6. თქვენი უფლებები

• მოითხოვოთ ინფორმაცია თქვენი მონაცემების დამუშავების შესახებ
• მოითხოვოთ არასწორი მონაცემების შესწორება
• მოითხოვოთ მონაცემების წაშლა კანონმდებლობით დაშვებულ ფარგლებში
• დარღვევის შემთხვევაში მიმართოთ პერსონალურ მონაცემთა დაცვის სამსახურს ან სასამართლოს

7. მონაცემთა უსაფრთხოება

ბიურო იღებს ორგანიზაციულ და ტექნიკურ ზომებს თქვენი მონაცემების შემთხვევითი ან უკანონო განადგურების, შეცვლის, გამჟღავნების ან არასანქცირებული წვდომისგან დასაცავად.

8. საადვოკატო საიდუმლოება და პროფესიული ეთიკა

კლიენტის საქმესთან დაკავშირებული ინფორმაცია დაცულია არა მხოლოდ მონაცემთა დაცვის ზოგადი კანონმდებლობით, არამედ საადვოკატო საიდუმლოების სპეციალური რეჟიმით:

• „ადვოკატთა შესახებ“ საქართველოს კანონის მე-7 მუხლი — ადვოკატი კლიენტის თანხმობის გარეშე არ ამჟღავნებს პრაქტიკისას მიღებულ ან საქმესთან დაკავშირებულ ინფორმაციას; ვალდებულება მოქმედებს გასული დროის მიუხედავად და ვრცელდება თანაშემწესა და სტაჟიორზეც.
• ინფორმაციის გამჟღავნება დასაშვებია მხოლოდ კანონით განსაზღვრულ შემთხვევებში — კლიენტის თანხმობით; როცა ეს წარმომადგენლობისთვის/დაცვისთვისაა საჭირო და კლიენტს წინასწარ არ აუკრძალავს; ან ადვოკატის მიმართ წაყენებული ბრალდებისგან/მოთხოვნისგან თავდასაცავად.
• ადვოკატთა პროფესიული ეთიკის კოდექსის მე-4 მუხლი — კონფიდენციალური ინფორმაცია უნდა დაცულ იქნეს ისე, რომ მესამე პირებს ხელი არ მიუწვდებოდეთ; ვალდებულება ვადით შეუზღუდავია.

9. კონტაქტი

კონფიდენციალურობის პოლიტიკასთან დაკავშირებული კითხვების შემთხვევაში, დაგვიკავშირდით: info@rtslaw.ge ან საკონტაქტო გვერდის საშუალებით.